|
|
CAPÍTULO
I
DA
ASOCIACIÓN EN XERAL
Artigo 1º.- Constitúese
en Santiago de Compostela unha Asociación sen
ánimo de lucro que se denominará
“ASOCIACIÓN
PUENTE CULTURAL RUMANO-GALLEGO”. A
Asociación rexerase polos presentes Estatutos, pola Lei
Orgánica 1/2002, do 22
de marzo, reguladora do Dereito de Asociacións e pola demais
lexislación
existente en materia de Asociacións que lle sexa aplicable.
Os presentes Estatutos serán desenvolvidos mediante os
acordos
que validamente
adopten a Coordenadora Xeral e a Asemblea Xeral, dentro do
ámbito da súa
respectiva competencia, e en tanto non se aprobe ou no non previsto no
Regulamento de Réxime Interno ó que se refire o
artigo 43.
Así mesmo, será a Coordenadora Xeral o
órgano
competente para interpretar os
preceptos contidos nestes Estatutos e os acordos que os desenvolvan,
sempre con
sometemento expreso á normativa legal vixente en materia de
asociacións.
Artigo
2º.- É o fin
ou obxecto
principal da Asociación promocionar a
formación, o emprego e a integración
socio-cultural,
particularmente de
colectivos en situación de especial necesidade ou que sofran
algún tipo de discriminación
social, económica, política, cultural, relixiosa,
por
razón de sexo ou de
calquera outra índole.
Artigo
3º.- A
Asociación pode, no
exercicio da súa propia actividade,
desenvolver proxectos de formación e orientación
laboral
e potenciar o emprego
como elementos clave para a consecución dos seus obxectivos
e,
de modo
xenérico, realizar cantas actuacións sexan
conducentes
cara o mellor logro dos
seus fins. Asimesmo, a asociación pode exerce-la
súa
actividade desenvolvendo
tamén proxectos de formación e
orientación
cultural.
En
particular, e a título
enunciativo, as actividades da
Asociación consistirán en:
1º.-
A promoción do
emprego e da
inserción socio-cultural dende o recoñecemento da
igual
dignidade de tódalas
persoas e, consecuentemente, dende o respecto ó principio da
non
discriminación
por razón de nacemento, grupo poboacional,
xénero,
relixión, opinión e/ou
calquera outra condición ou circunstancia persoal ou social.
2º.-
Realizar labores de
formación e orientación laboral, especialmente
respecto
dos colectivos de
difícil inserción.
3º.-
A busca, detección
e
procura de novas oportunidades de emprego e formativas nos distintos
sectores
productivos existentes e nos que no futuro podan xurdir.
4º.-
A promoción
do
intercambio cultural rumano-galego co fin de dar a coñecer a
nosa cultura.
5º.-
A promoción da
participación e o debate nas cuestións que
constitúen o obxecto da Asociación,
que expresa a súa vontade de ser un órgano aberto
á colaboración de cantas
persoas e entidades teñan interese nos fins perseguidos pola
mesma.
O
desenvolvemento dos fins da
Asociación poderá
efectuarse, entre outros medios posibles, polos que se enumeran a
seguir:
a) Pola
Asociación
directamente, en
instalacións propias ou alleas.
b) Creando
ou
cooperando á
creación
doutras entidades.
c) Participando
ou colaborando no
desenvolvemento das actividades doutras entidades, organismos,
institucións ou
persoas de calquera clase, físicas e xurídicas,
que
dalgún xeito podan servir
ós fins perseguidos pola Asociación.
Artigo
4º.- O enderezo
principal e
permanente da Asociación radicará na
localidade de Santiago de Compostela, rúa Costa de Santa
Isabel,
nº 4, piso
baixo, C.P. 15705.
Poderanse
utilizar outros locais
asociativos adicionais noutros lugares
(barrios ou localidades), mediante acordo da Asemblea Xeral, que
terá
atribucións para cambiar, tanto o enderezo como os locais,
dando
conta do seu
acordo ó Organismo encargado do Rexistro de
Asociacións.
Artigo
5º.- O
ámbito
territorial desta asociación é a Comunidade
Autónoma de Galicia, onde radica a
súa sede, mesmo que ocasionalmente poderá
realizar
actividades fóra da mesma.
Artigo
6º.- A
Asociación ten
vocación de permanencia, polo que a súa
duración é indefinida, e só se
disolverá
por calquera das causas previstas no
Capítulo VI dos presentes Estatutos.
A
Asociación rexerase
segundo os principios democráticos contidos no marco
da Constitución e o resto do ordenamento xurídico.
CAPÍTULO
II
DOS SOCIOS
Artigo
7º.- Poderán
ser
membros da Asociación todas aquelas persoas maiores de idade
que
actúen en nome
propio e así o soliciten.
Non
obstante, por razóns de
funcionamento da propia
Asociación, as persoas individuais que desexen adquirir a
condición de socio
estarán preferentemente vencelladas a outras
asociacións
ou entidades que se
identifiquen e teñan interese en servir ós fins
da
Asociación.
Artigo
8º.- Os asociados e
asociadas
poderán ser:
a) Fundadores:
aquelas persoas que
subscribiron a Acta Fundacional.
b) Numerarios:
aquelas persoas que
ingresaron con posterioridade á subscrición da
Acta
Fundacional.
c) Honorarios:
aquelas persoas que,
a xuízo da Asemblea Xeral, axuden de xeito notable ou
meritorio
ó
desenvolvemento dos fins da asociación.
Artigo
9º.- Son
dereitos
dos asociados e asociadas fundadores e numerarios:
1. Participar
nas Asembleas Xerais con
voz e voto.
2. Elixir
e
ser elixidos como membros
dos órganos de goberno da Asociación, na
forma prevista nos presentes Estatutos.
3. Participar
nas actividades
organizadas pola Asociación en cumprimento dos
seus fins.
4. Desfrutar
de tódolos
beneficios da Asociación, segundo as normas e
disposicións regulamentadoras da mesma, ou de cantos outros
sexan concedidos á
Asociación por entidades públicas ou privadas.
5. Posuír
un exemplar destes
Estatutos e ser informados sobre a composición e
os acordos adoptados polos órganos da Asociación.
6. Facer
suxerencias ós membros
dos órganos da Asociación en orde a mellorar o
cumprimento dos fins da mesma.
7. Que
se lles
poña de
manifesto anualmente o estado de contas, os ingresos e
gastos da Asociación, así como o desenvolvemento
da
súa actividade.
Artigo
10º.- Son
obrigas
dos asociados e asociadas:
1. Acatar
os
presentes Estatutos e os
acordos validamente adoptados pola
Asemblea Xeral e pola Coordenadora Xeral.
2. Prestar
cantos servicios determinen
os Estatutos ou, no seu caso, a
Regulamentación de Réxime Interno, así
como os
acordos lexítimos da Asemblea
Xeral.
3. Desempeñar
fielmente as
obrigas inherentes ó cargo que desempeñen.
4. Aboar
as
cotas ou
contribucións que sexan establecidas.
Artigo
11º.- Os
socios
honoríficos non intervirán na xestión
ou goberno
da Asociación nin nos órganos
de representación da mesma, pero poderán asistir
ás Asembleas Xerais con voz,
pero sen voto. Así mesmo, poderán facer cantas
indicacións estimen oportunas á
Coordenadora Xeral ou dirixir escritos ou comunicacións
á
Asemblea Xeral.
Artigo
12º.- Os
acordos
de
admisión de asociados e asociadas tomaraos a Coordenadora
Xeral,
unha vez
recibida a petición escrita da persoa que desexa ser
admitida.
No caso de
que a Coordenadora Xeral
rexeitase a
solicitude dun socio deberá comunicalo por escrito
ó
interesado, quen, no prazo
dun mes, poderá alegar diante dela o que estime conveniente.
Se, vistas
as alegacións do
interesado, a Coordenadora
Xeral mantivese a súa decisión en sentido
negativo,
poderá aquel apelar perante
a primeira Asemblea Xeral que se celebre, sendo a resolución
desta recorrible
ante a Xurisdicción Ordinaria.
Artigo
13º.- A
condición
de asociado pérdese:
1. Por
vontade
propia.
2. Pola
realización de
accións que prexudiquen gravemente os intereses da
Asociación ou por deixar de cumprir os deberes inherentes
á condición de
asociado establecidos nos presentes Estatutos.
3. Por
expediente disciplinario.
Artigo
14º.- A
expulsión
de asociados e asociadas será acordada pola Coordenadora
Xeral,
previa
audiencia do interesado/a. O acordo de expulsión
deberá
ser ratificado pola
primeira Asemblea Xeral que se convoque, e contra a súa
resolución poderase
recorrer ante a xurisdicción ordinaria.
Cando a
baixa se produza por
vontade do asociado ou
asociada, realizarase a petición por escrito, debendo
proceder
previamente o
asociado ou asociada ó aboamento de tódalas cotas
que
teña pendentes de pago.
Artigo
15º.- Os
asociados/as poderán pedir a separación temporal
por
escrito.
A
Coordenadora Xeral poderá
acordar a separación temporal
dun asociado cando se estea tramitando un expediente sancionador, ou
cando
concorran causas xustificadas que o aconsellen, tales como o retraso no
pago
dalgunha cota, ou comportamentos que afecten á boa marcha
dalgún dos fins da
Asociación. O expediente sancionador recollerase no
Regulamento
de Réxime
Interno, pero en todo caso a Resolución poderase recorrer
perante a
xurisdicción ordinaria.
CAPÍTULO
III
DOS
ÓRGANOS DA
ASOCIACIÓN
Artigo
16º.- A
dirección
e administración da Asociación serán
exercidas
polo Presidente, a Coordenadora
Xeral e a Asemblea Xeral.
Para ser membro dos órganos de representación e
goberno
da Asociación son
requisitos imprescindibles: ser maior de idade, estar en pleno uso dos
dereitos
civís e non estar incurso nos motivos de incompatibilidade
establecidos na
lexislación vixente.
Artigo
17º.- O Presidente da
Asociación asume a representación legal da
mesma e executará os acordos adoptados pola Coordenadora
Xeral e
a Asemblea
Xeral, presidindo as sesións que celebren unha e outra.
O
Presidente será designado
pola Asemblea Xeral entre os
socios que teñan alomenos 1 ano de antigüidade e o
seu
mandato durará 2 anos,
podendo ser reelixido indefinidamente.
A
COORDENADORA XERAL
Artigo
18º.- A
Coordenadora Xeral estará formada por un Presidente, un
Vicepresidente, un
Secretario e un Tesoureiro. Ademais, e no caso de que se designen
comisións de
traballo para áreas específicas, incorporaranse
sen
necesidade de elección en
Asemblea un representante de cada unha delas durante o tempo no que
estivesen
vixentes.
Artigo
19º.- Os cargos que
compoñen a Coordenadora Xeral serán
gratuítos, sen prexuízo do dereito a ser
reembolsados dos
gastos debidamente
xustificados, e deberán carecer de interese
económico nos
resultados da
actividade por si mesmos ou por persoa interposta.
Elixiranse,
mediante sufraxio libre
e secreto pola Asemblea Xeral de entre
os asociados e asociadas, e o seu mandato durará dous anos,
podendo ser
reelixidos indefinidamente.
No caso de
que un dos membros da
Coordenadora cesase
antes de esgotar aquel período, a propia Coordenadora Xeral
nomeará, con
carácter interino, a un dos socios para ocupar a vacante ata
a
próxima Asemblea
Xeral. Os casos de ceso poden ser por motivos persoais o
tamén
pola Asemblea
Xeral por incumprimento de os cargos que
supona.
Artigo
20º.- Son
funcións da
Coordenadora Xeral todas aquelas que
conduzan ó cumprimento dos fins da Asociación,
levar
á práctica os Acordos da
Asemblea Xeral e os acordos propios, programar e dirixir as actividades
asociativas e levar a xestión administrativa e
económica
da Asociación, así
como someter a aprobación da Asemblea Xeral o orzamento
anual de
ingresos e
gastos, e o estado de contas do ano anterior.
Así
mesmo, procederá
a convocar e sinalar a data da Asemblea Xeral,
designar as Comisións de traballo ou seccións que
se
estimen oportunas para o
bo funcionamento da Asociación, dictar normas interiores de
organización e
exercer cantas funcións non estean expresamente asignadas
á Asemblea Xeral.
Corresponderanlle tamén todas aquelas actividades que lle
sexan
transferidas
pola Asemblea.
A
Coordenadora Xeral é
responsable das súas actuacións
diante da Asemblea Xeral. Así mesmo, cada un dos seus
compoñentes terá os
deberes propios do seu cargo, así como os que xurdan das
delegacións ou
comisións que a propia Asemblea Xeral lles encomende.
Artigo
21º.- A Coordenadora
Xeral
celebrará as súas sesións cantas veces
o determine o Presidente, a iniciativa propia ou a petición
de
calquera dos
seus compoñentes.
Para que os
acordos da Coordenadora
Xeral sexan válidos deberán ser
adoptados pola maioría de votos dos asistentes, sendo
necesaria
a concorrencia,
alomenos, da metade dos seus membros. No caso de empate
decidirá
o voto do
Presidente.
O
Secretario levantará acta
das sesións, que se transcribirán ó
libro de
actas.
A ASEMBLEA
XERAL
Artigo
22º.- A Asemblea Xeral,
integrada
por tódolos asociados e
asociadas, é o órgano supremo de goberno da
Asociación, e expresa a vontade da
mesma, tendo as súas decisións
carácter
vinculante. O Presidente e o Secretario
da Asemblea serán os mesmos que os da Coordenadora Xeral.
Artigo
23º.- A Asemblea Xeral
poderá reunirse en convocatoria ordinaria
ou extraordinaria, podendo asistir os asesores técnicos e
invitados que a
Coordenadora Xeral estime conveniente.
Reunirase
con carácter
ordinario como mínimo unha vez ó ano; e con
carácter
extraordinario, cando así o esixan as
disposicións
vixentes, cando o acorde a
Coordenadora Xeral, ou a petición dunha terceira parte dos
asociados e
asociadas. Neste último caso realizarase por medio de
escrito
dirixido ó
Presidente, autorizado coas firmas dos solicitantes, no que se
expoña o motivo
da convocatoria e a orde do día.
O expresado
nos parágrafos
anteriores entenderase sen prexuízo dos
especiais requisitos de procedemento contemplados no artigo 44 en
relación á
modificación estatutaria.
Artigo
24º.- As
convocatorias das Asembleas Xerais, tanto Ordinarias como
Extraordinarias,
realizaranse polo Presidente da Coordenadora Xeral por escrito,
expresando o
lugar, a data e a hora da Asemblea, así como a orde do
día, debendo mediar
entre a convocatoria e a data de celebración da mesma
alomenos
quince días.
Se na
convocatoria non se fixese
constar, no seu caso, a
celebración da Asemblea Xeral en segunda convocatoria,
celebrarase esta
transcorrida media hora dende a primeira convocatoria.
A
notificación farase nos
locais da Asociación para as Asembleas Ordinarias
e no domicilio dos asociados para as Asembleas Extraordinarias.
Artigo
25º.-
Serán
competencias da Asemblea Xeral ordinaria:
1. Aprobar
a
acta da reunión
anterior.
2. Aprobar
o
plan xeral de
actividades.
3. Avaliar
a
xestión da
Coordenadora Xeral.
4. Examinar
e
aprobar a memoria de
actividades.
5. Examinar
e
aprobar as contas e
balances do exercicio anterior.
6. Aprobar
os
orzamentos de
ingresos e gastos para cada exercicio.
7. Decidir
sobre a aplicación
concreta dos fondos existentes.
8. Exame
e
aprobación das cotas.
Artigo
26º.- A
Asemblea
Xeral Extraordinaria é competente para coñecer
sobre:
1. Modificación
dos Estatutos
da Asociación.
2. Nomeamento
ou elección dos
membros da Coordenadora Xeral.
3. Inclusión
da
Asociación noutras entidades federativas ou entes de
participación.
4. Autorización
da
disposición, alleamento, gravame ou hipoteca de bens
sociais.
5. Acordar
a
disolución da
Asociación.
6. Solicitar
a
declaración de
utilidade pública da Asociación.
7. As
que
sendo competencia da
Asemblea Xeral Ordinaria, por razóns de
urxencia ou necesidade, non podan esperar a súa convocatoria
sen
grave prexuízo
para a Asociación.
8. Tódalas
non conferidas
expresamente á Asemblea Xeral Ordinaria ou á
Coordenadora Xeral.
Artigo
27º.- As
Asembleas
Xerais, tanto Ordinarias como Extraordinarias, quedarán
validamente
constituídas en primeira convocatoria cando concorran a
elas,
presentes ou
representados, a metade máis un dos asociados e asociadas e,
en
segunda
convocatoria, calquera que sexa o número de socios
concorrentes.
Artigo
28º.- Os
acordos
adoptaranse polo voto afirmativo da maioría simple dos
asistentes ou
representados con dereito a voto. Non obstante, será
necesario o
apoio
favorable das dúas terceiras partes dos socios, presentes ou
representados,
para adoptar acordos en Asemblea Xeral Extraordinaria sobre os puntos
recollidos nos apartados 1 ó 5 do artigo 27, ademais de para
acordar a
ratificación da expulsión de asociados e
asociadas.
A
continuación levaranse os
acordos ó libro de Actas, coa
sinatura do Presidente e do Secretario da Asemblea. A acta
deberá ser lida na
seguinte sesión celebrada pola Asamblea Xeral e aprobada por
maioría.
Artigo
29º.- Os
acordos
adoptados conforme os preceptos anteriores obrigarán a
tódolos/as asociados/as,
incluso ós/ás non asistentes.
O
Presidente abrirá as
sesións, procedendo o Secretario á
lectura da acta da Asemblea anterior, que deberá ser
aprobada.
A seguir, o
Secretario lerá
a orde do día. Cada punto
será informado polo membro da Coordenadora Xeral que lle
corresponda,
procedéndose á aprobación nos termos
contidos
nestes Estatutos, segundo a
materia de que se trate.
Unha vez
rematados tódolos
asuntos da orde do día
procederase, se a presidencia o considera oportuno ou se así
o
solicitan un 10%
dos asociados inscritos no libro de membros, a facer un turno de rogos
e
preguntas, así como a adopción de acordos. Unha
vez
concluído todo o proceso
anterior, o Presidente levantará a sesión.
Artigo
30º.- Os
acordos
que vaian contra estes Estatutos ou infrinxan os fins da
Asociación poderán ser
recorridos en reposición perante a Asemblea Xeral. A partir
da
resolución do
recurso de reposición, quedará expedita a
vía para
recorrer perante a
xurisdicción ordinaria.
Artigo
31º.- Ademais das
xerais
contempladas no artigo 17º, o Presidente
terá as seguintes atribucións:
a) Convocar,
presidir e levantar as
sesións que celebren a Coordenadora Xeral e a Asemblea
Xeral, e
dirixir as
deliberacións dunha e outra, decidindo con voto de calidade
en
caso de empate.
b) Propoñer
o plan de
actividades
da asociación á Coordenadora Xeral, impulsando e
dirixindo as súas tarefas.
c) Ordear
os
pagamentos acordados
validamente.
d) Representar
a Asociación
perante
calquera organismo público ou privado.
e) Firmar
as
actas, certificados,
pagos e outros documentos da Asociación xunto co Secretario
ou
membro da
Coordenadora Xeral a quen lle corresponda a elaboración do
documento de que se
trate.
Artigo
32º.- O
Vicepresidente apoiara todas as actividades do Presidente. En ausencia
del
Presidente, el Vicepresidente será encargado con as mesmas
atribucións.
Artigo
33º.- Serán
competencias do Secretario:
1. Recibir
e
tramitar as
solicitudes de ingreso, custodiar e levar os Libros de Actas e o Libro
e o
ficheiro de asociados, así como os documentos oficiais da
Asociación e, en
xeral, asumir a dirección dos traballos administrativos da
Entidade. En
particular, corresponderá ó Secretario cursar
ó
organismo competente as
comunicacións sobre designación da Coordenadora
Xeral,
celebración de Asembleas
Xerais, cambios de enderezos, formalización do estado de
contas
e aprobación
dos orzamentos anuais de ingresos e gastos, así como do
estado
de contas
correspondente ó ano anterior. Correspóndelle,
así
mesmo, levar o inventario
dos bens da asociación, notificar as convocatorias,
custodiar as
actas e
expedir certificacións das mesmas co visto e prace do
Presidente.
2. Estender
as
actas das
reunións e
expedir as certificacións oportunas co visto bó
do
Presidente.
3. As
propias
do Presidente e
Vicepresidente en caso de ausencia.
Artigo
34º.- Serán
competencias do
Tesoureiro:
1º.-
Recadar e custodiar os
fondos da Asociación.
2º.-
Abrir e xestionar as
contas
bancarias da Asociación que autorice a Asemblea Xeral ou a
Coordenadora Xeral.
3º.-
Dar cumprimento ás
ordes de
pagamento que expida o Presidente.
4º.-
Formalizar os balances e
orzamentos anuais dos ingresos e gastos da Asociación,
así como o estado de
contas do ano anterior, que remitirá á
Coordenadora Xeral
para que esta, á súa
vez, os someta a aprobación da Asemblea Xeral.
5º.-
En xeral, dirixir a
contabilidade da Asociación, a levanza e custodia dos libros
contables e toma
de razón dos ingresos e gastos sociais, participando en
tódalas operacións de
orde económica daquela.
CAPÍTULO
IV
RÉXIME
ECONÓMICO
Artigo
35º.- A
Asociación carece de patrimonio no momento da súa
constitución. O peche do
exercicio económico coincidirá co do ano natural,
funcionando a Asociación en
réxime de orzamento anual.
Artigo
36º.- Os
fondos económicos previstos para o desenvolvemento das
actividades sociais
estarán constituídos por:
1. As
cotas
periódicas dos/as
asociados/as.
2. As
cotas
extraordinarias que
propoña a Coordenadora Xeral e sexan aprobadas pola Asemblea
Xeral.
3. Os
productos dos bens e dereitos
que lle correspondan.
4. Os
legados,
doazóns e
aportacións voluntarias que fagan os socios ou terceiras
persoas.
5. Os
convenios suscritos ou
subvencións concedidas para a realización de
actividades
por entidades públicas
ou privadas.
6. As
rendas
do patrimonio da
Asociación.
7. Os
ingresos
que obteña a
Asociación mediante as actividades lícitas que
acorde
realizar, sempre dentro
dos fins estatutarios.
8. Calquera
outro ingreso admitido
pola normativa vixente para actividades non lucrativas.
Artigo
37º.- As cotas
acórdanse pola Asemblea Xeral Ordinaria, a proposta da
Coordenadora Xeral, non
sendo reintegrables en caso algún e adicándose a
atender
as necesidades da
Asociación.
Artigo 38º.- As
aportacións voluntarias poderán considerarse como
empréstimos sen interese, reintegrables nas
condicións
que se pacten por
escrito.
Artigo 39º.- Anualmente,
e con referencia ó último día do
exercicio
económico de cada ano, elaboraranse as contas, as cales se
formalizarán nunha
memoria. Tal memoria será posta a disposición
dos/as
asociados/as durante un
prazo non inferior a 15 días ó sinalado para a
celebración da Asemblea Xeral
Ordinaria, quen deberá aprobalo ou censuralo.
Artigo
40º.- Para a
disposición de fondos das entidades bancarias onde a
Asociación teña
depositados os mesmos, terán recoñecidas as
sinaturas na
entidade bancaria
correspondente o Presidente, o Secretario e o Tesoureiro, para a
utilización
conxunta deles.
Artigo
41º.- Como
entidade sen ánimo de lucro, en ningún caso
poderán ser distribuídos entre
os/as asociados/as os recursos obtidos pola Asociación.
CAPÍTULO
V
DO
REGULAMENTO DE RÉXIME
INTERNO E DAS OBRIGAS
DOCUMENTAIS
Artigo
42º.- O
Regulamento de Réxime Interno, no seu caso,
desenvolverá
aquelas materias non
contempladas directamente nos presentes Estatutos, non podendo ir en
contra do
estipulado nos mesmos.
O
funcionamento interno da
Asociación estará sometido ó
ordenamento
xurisdiccional civil.
Artigo
43º.- A
Asociación
disporá dunha relación actualizada dos seus
asociados e
asociadas; levará unha
contabilidade que reflicta fielmente o patrimonio e a
situación
financeira da
entidade, así como as actividades realizadas;
efectuará
un inventario dos seus
bens e recollerá nun libro as actas das reunións
dos seus
órganos de goberno e
representación.
Os/as
asociados/as poderán
acceder a toda a documentación a través dos
órganos de representación.
CAPÍTULO
VI
MODIFICACIÓN
DE ESTATUTOS E
DISOLUCIÓN DA ASOCIACIÓN
Artigo
44º.- Os
presentes
Estatutos poderán ser modificados a proposta da Coordenadora
Xeral ou de ¼ dos
socios. A convocatoria da Asemblea Xeral Extraordinaria
estará
acompañada do
texto coas modificacións propostas, abríndose un
prazo de
7 días para calquera
socio/a poida dirixir á Secretaria as propostas e emendas
que
estime oportunas.
Éstas complementarán a documentación
da citada
Asemblea e serán entregadas
cunha antelación mínima de 3 días
á
realización da mesma.
Artigo
45º.- A
Asociación
poderase disolver por algunha das causas seguintes:
1ª.-
Por vontade dos socios,
acordada como mínimo polo
voto favorable dos dous tercios da Asemblea Xeral Extraordinaria
convocada a
tal fin.
2ª.-
Por disposición
xudicial.
3ª.-
Por outras causas
determinadas legalmente.
Artigo
46º.- No caso
de
disolución da Asociación, a Coordenadora Xeral
constituirase en Comisión
Liquidadora, quen procederá a efectuar os pagos e as obrigas
pendentes, así
como ó cobro dos créditos, e fixará o
haber
líquido restante.
Artigo
47º.- Unha vez
efectuada a liquidación, o haber resultante, se o houber,
entregarase a unha
entidade ou entidades que se teñan iguais fins ou, no seu
defecto, fins
análogos ós da Asociación.
En Santiago
de Compostela, a 13 de
decembro de 2004.
Conselleria
de Justicia, Interior y
Administración Local
Registro y
Asociaciones
|
|
